المرض النفسي

كتبت : ميرنا يونس

احنا بنشوف وبنسمع عن ناس كتير مرضي نفسيين بس مبنبقاش فاهمين يعني اي ..

ومعظم الناس بتفتكر انه جنان واول محد يقول دا فلان بيتعالج عند دكتور نفسي يضحكوا ويقولوا هاها مجنون يعني ..

طب ف سؤال يعني ايه اصلا مرض نفسي ؟! ..

طب هل فعلا ف حاجة اسمها كدا ؟!

المرض النفسي بيتكون من مئات الاسباب والعوامل بس اهمهم 3

يا ترى اية هي العوامل اللي بتدفع الانسان انه يكون مريض نفسي ؟!

السبب الاول والرئيسي هو معاملة الاهل للمريض خاصة ف فترة الصغر ..

طب اشمعنا فترة الصغر ؟!

لان دى المرحلة اللي بيتكون فيها اصلا العامل النفسي للانسان وبالتحديد منذ الخمس سنوات ..

والسبب التاني هو ..

تعرضه لظروف نفسية قوية

والسبب التالت هو ..

استعداده الوراثي والجيني ..

التلات اسباب دول اهم تلات اسباب لانهم بيؤدوا ل خلل كيميائي ببعض المناطق اللي ف المخ ..

اي دا دا واضح ان الموضوع كبير ومهم !!؟

اة فالحقيقة هو مهم جدا بس احنا اللي مش مهتمين اننا نعرف ونتعلم ونحترم الجزء دا فالانسان ..

طب ونعالج دا ازااى ؟!

وهنا جينا بقي للسؤال المهم جداا ..

بس قبل ما نعرف علاجه لابد من اننا نعرف ان المرض النفسي بيجي بقرار

قرار قرار ازاى يعني ؟!

زى مثلا اتنين تؤام واحد دايما بنوصله رسايل مؤذية ومشوهه .. لازم يجي عند سن معين وخصوصا زى مقولت فوق من اول خمس ل سبع سنوات ..

لازم يجي عليه وقت ويقرر انه مش هيبقي اللي هو عايزوا ويبقي زى ما اللي حواليه عوزينه .. يعني يقرر مضطرا انه يدفن نفسه وهو حي لمجرد ارضاء اللي حواليه ويكون بكدا وضع حجر الاساس ف بنيان المرض النفسي اللي هايتبني جواه يوم ورا يوم .. معذور طبعا .. بس دى الحقيقة اللي بتحصل فعلا ..

ع عكس الطفل اللي دايما بندلله واللي عايزو بنعملهوله ونفهمه براحة يعني بنوصلو رسايل غير مؤذية ع عكس الطفل الاول وهنا هيطلع ف اختلاف كبير بين الاتنين ..

جينا للنهاية بقي ..

هي اننا مش شرط ربنا رزقنا بحاجة سواء كان طفل .. حبيب .. زوج .. خطيب .. اننا نتعامل معاهم بالقوة والقسوة مش كل القسوة والقوة بتبقي صح ..

احنا ممكن نقسي بس بحنيه باننا نحسسهم بالامان ودا اهم عامل عند اى انسان

الامان هو العلاج الوحيد لمحي وازالة المرض النفسي ..

 

عن الكاتب